کورونا وائرس کے بعد ایک اور تباہی آرہی ہے، وزیراعلیٰ سندھ نے خبردار کردیا

Advertisement

کراچی : سندھ حکومت نے وفاق سے ٹڈی دل کے خاتمے کیلیے 6 ایئرکرافٹ مہیا کرنے کی درخواست کردی، وزیراعلیٰ سندھ مراد علی شاہ نے کہا کہ کورونا وائرس کے بعد ٹڈی دل کی تباہی آرہی ہے، اگریہ مسئلہ حل نہیں کیا گیا تو ٹڈی دل اگلی فصلوں کو تباہ کردے گی۔

تفصیلات کے مطابق وزیراعلیٰ سندھ مراد علی شاہ نے سندھ کابینہ کے اجلاس میں ہدایت کی کہ ٹڈی دل کےخاتمے کے لئے صحراؤں میں اسپرے کی جائے، کوروناوائرس کےبعدٹڈی دل کی تباہی آرہی ہے۔

وزیراعلیٰ سندھ کا کہنا تھا کہ محکمہ زراعت اوروفاقی حکومت کوتیاری کرنی چاہیے، اجلاس میں بریفنگ کے دوران بتایا گیا کہ نیشنل ایکشن پلان کے تحت 12 ایئر کرافٹ خریدنے یا کرایہ پر لینے کاپلان بنایاتھا، ابھی تک ایئرکرافٹ نہ خریدے گئےنہ ہی سندھ،بلوچستان میں اسپرے ہوا۔

Advertisement

سندھ حکومت نےوفاق سے 6 ایئرکرافٹ اسپرے کیلئے مہیا کرنےکی درخواست کی، مراد علی شاہ نے کہا کہ اگریہ مسئلہ حل نہیں کیاگیاتوٹڈی دل اگلی فصلوں کوتباہ کردے گی، اگلی فصلوں کی تباہی ایک بھیانک صورتحال ہوگی۔

یاد رہے وزیراعظم عمران خان نے کوروناوائرس کے بعد ٹڈی دل کو ملک کا اہم مسئلہ قرار دیتے ہوئے ہدایت کی کہ ٹڈی دل پر قابو پانے اور خاتمے کیلئےمکمل تیاری کی جائے، اس حوالے سے ہر قسم کی رکاؤٹ،مشکلات کوفوری دور کیاجائے۔

اجلاس میں ٹڈی دل کے خاتمے اور مستقبل کے لائحہ عمل پر بھی بریفنگ میں بتایا گیا تھا کہ ٹڈی دل کے خاتمے کے لئے چین سے جہاز اورمشینری منگوائی گئیں،کورونا کےباعث ٹڈی دل کےخاتمےکی مشینری کاحصول سست روی کا شکار ہوا۔

وزیراعظم نےٹڈی دل کے خاتمے کیلئےدرکار فنڈز کی فوری فراہمی کی ہدایت کرتے ہوئے کہا تھا کہ ٹڈی دل کےخاتمے کے حوالے سے ملک میں پہلے ہی ایمرجنسی ہے اور اب مزید اقدامات کیے جائیں۔

fb-share-icon0

Tweet
20

Comments

comments

Advertisement